Pедмайн өдөр тутмын ажлыг хялбар, ойлгомжтой, хүртээмжтэй олгож, байгууллагын мэдлэгийн сан, цахим ой санамжийг үүсгэж өгдөг.

Редмайн системийн тухай

Уг систем нь лицензийн төлбөргүй "open source" буюу нээлттэй эх кодтой. Франц улсын иргэн Jean-Philippe Lang 2006 оноос анх санаачлан хөгжүүлсэн төслийн удирдлагын систем ба өдгөө уг системийг дэлхий даяар хэрэглэж, хөгжүүлэлт сайжруулалт тасралтгүй хийгдэж байна. СиАрЭмСи (CRMC буюу "CRM Consulting" үгний товчлол болно) компани нь Редмайн системийг Монголд улсад суулгах, сургалт явуулах, системийн өөрчлөлт хөгжүүлэлт, бусад системтэй интеграц хийх, сервер болон Редмайн системийн нууцлал аюулгүй байдлыг хангах зэрэг ашиглалтын бүхий л асуудлыг хариуцах үйлчилгээг харилцагч байгууллагууддаа үзүүлдэг. Бид Редмайн системийн нэвтрүүлэлт, сургалт, интеграцийн чиглэлээр 15 жилийн туршлагатай. Мэдээллийн технологи, банк санхүү, бизнес, медиа зэрэг олон салбарт нэвтрүүлсэн. СиАрЭмСи компани ч өдөр тутмын ажлаа Редмайн системээр удирдан явуулдаг.

Байгууллагын удирдах ажилтан юунд уурлаж бухимддагийг та мэдэх үү? 

Ажилтанд өгсөн үүрэг даалгавар мартагдаж алга болох хандлага хаа газарт байдаг жам шахуу үзэгдэл билээ. Хурдацтай хөгжиж буй бизнес, техник технологи, та бидний өдөр тутмын амьдралд өргөн хэрэглэгдэх болсон Фэйсбүүк, Твиттер зэрэг сошил сүлжээнүүд ч ажил цалгардаж мартагнуулахад ихээр нөлөөлдөг болсон нь дамжиггүй. 

Удирдах ажилтан өмнө өгсөн бүх үүрэг даалгаварыг нэгд нэгэнгүй санаж, араас нь хөөцөлдөөд байх боломжгүй нөхцөлд ажилладаг. Тэд гадна дотны хүмүүстэй хурал уулзалтад оролцож элдэв гомдол санал, хүндрэлтэй асуудлыг шийдсээр өдрийг бардаг. Дараа нэг өдөр түүнд өмнө нь хэн нэгэнд өгсөн ажлын үр дүн гэнэт хэрэг болно. Ажилтнаас үүрэг даалгаварын биелэлтийг асуутал уг ажил хийгдээгүй байгааг,  элдэв шалтаг шалтгаан хүндрэлтэй бэрхшээлтэй тулаад зогссон байгааг сонсох нь элбэг. Гэтэл ихэнх тохиолдолд уг ажил ердөө л мартагдсан, эсвэл араас нь хөөцөлдөхөө л мартсан байдаг. Редмайн системийг ашигласнаар ажил мартагдахгүй, хаягдаж алга болохгүй, эзэнтэй, цаг хугацаатай, баримттай, хяналттай болж хувирдаг. Байгууллагын дотоод соёлд тааруулан ажлыг зөвхөн удирдах ажилтан хааж байхаар бид тохируулж өгдөг.